MAOMBI YA NAFASI YA KAMISHINA MKUU

Chama cha SKAUTI Tanzania kinakaribisha maombi ya kugombea nafasi ya KAMISHINA MKUU.

Katika kikao chake cha Viongozi waandamizi (Skauti Mkuu, Kamati Tendaji, Kamati ya Mpito na Wakufunzi) kilichofanyika tarehe 09 Mei, 2013 chini ya Uenyekiti wa Skauti Mkuu Mh. Mwantum Mahiza kimeazimia mambo yamsingi yafuatayo:-

• ·     Kutangaza kimaandishi nafasi iliyowazi ya Kamishna Mkuu.  Hii ni nyongeza ya tangazo alilolitoa Skauti Mkuu katika Mkutano wake na viongozi mbali mbali jijini Dar es Salaam uliofanyika tarehe 06 Mei 2013.

• ·    Kutoa sifa na fomu za kugombea.

Sifa na Fomu za kugombea nafasi hiyo zinatolewa Makao Makuu ya Chama kuanzia tarehe 10 Mei, 2013.   

Pia zinapatikana katika www.DaresSalaamlocalscout.blogspot.com Search Google: - Dar Es Salaam Local Scouts Association.  Fomu zinaweza kurejeshwa kwa njia zifuatazo:-

-      Kwa “Despatch” kwa Mwenyekiti au Karani wake, Makao Makuu ya Chama.

-      Kwa “Registered Mail – Mwenyekiti wa Kamati ya mpito, Chama cha Skauti Tanzania S.L.P 945 DSM.

-      Kwa E-mail:szone2012@live.com

Mwisho wa kurejesha fomu ni tarehe 20 Mei 2013, saa 10.00 jioni.

Kwa mujibu wa Mwenyekiti wa Kamati ya Mpito Brigedia Jenerali Mstaafu Gerald Mkude, ameelezea sifa za mwombaji wa nafasi hiyo ni:-

 

1.           Awe Kamishna au aliwahi kuwa Kamishna

2.           Awe Mtanzania

3.           Awe hajawahi kuachishwa uongozi katika Chama cha Skauti au kushitakiwa kwa makosa ya jinai kwa kipindi cha miaka minne (4) iliyopita.

4.           Awe ametunukiwa Nishani ya Skauta (Woodbadge Holder)

5.           Awe na Elimu ya Sekondari au zaidi.

6.           Awe na uzoefu wa uongozi na utawala katika shughuli za Skauti na jamii kwa ujumla kwa muda usiopungua miaka 5.

7.           Awe ametoa mchango mkubwa wa huduma kwa Chama cha Skauti na jamii kwa ujumla.

8.           Awe ana uwezo wa kusimamia, kulinda na kutetea Katiba na Kanuni za Skauti wakati wote.

9.           Awe mtu wa kujiamini na kujitambua.

10.       Awe mweledi na mwaminifu

11.       Awe na uwezo wa mawasiliano Kitaifa na kimataifa.

12.       Awe mwenye umri wa miaka 35 au zaidi

Mwombaji atajaza Fomu iliyotayarishwa, pia alete maelezo yake binafsi yaani C.V. yake.

Pamoja na hayo, fomu ya kugombea nafasi hiyo inapatikana kwa kiitroniki katika ukurasa wa Facebook wa Dar Es Salaam Scout, bonfya hapa: http://www.facebook.com/#!/groups/171718552973513/

Fomu hiyo ipo katik utaratibu ufuatao:-

 

FOMU YA KUGOMBEA NAFASI YA KAMISHNA MKUU

FOMU NO: …………..

SEHEMU (A): MAELEZO BINAFSI (HERUFI KUBWA)

1.  JINA KAMILI   ……………………………………………………………….

2.  UMRI   …………………...  MAKAZI ……………………………         

3.  ELIMU ………………………………………………………………………….

4.  KAZI    …………………………………  MAHALI  ………………………

5.  ANUANI YA POSTA    ……………………………………………………

6.  SIMU   ……………………  EMAIL  ………………………………………

7. UZOEFU WA UONGOZI

……………………………………………………………………………………

……………………………………………………………………………………

8. SAHIHI ………………………………………………….

SEHEMU (B):      MAONI YA KIKAO CHA UCHAMBUZI

……………………………………………………………………………………

……………………………………………………………………………………

……………………………………………………………………………………

……………………………………………………………………………………

……………………………………………………………………………………

SAHIHI YA MWENYEKITI/KATIBU……………………………….. TAREHE …………….

SEHEMU (C):      MATOKEO YA UCHAMBUZI

………………………………………………………………………………………

………………………………………………………………………………………

………………………………………………………………………………………

………………………………………………………………………………………

SAHIHI YA MWENYEKITI/KATIBU……………………………….. 

TAREHE ……………………

 

Mwisho wa kurejesha fomu ni tarehe 20 Mei 2013, saa 10.00 jioni.

MZEE MWINYI NA SALIM WANUSURU KUUZWA KWA JENGO LA SKAUTI

 Mzee Ali Hassan Mwinyi Mdhamini wa Skauti Tanznia (Rais Mstaafu wa Tanzania)

Wadhamini wa Chama cha Skauti Tanzania Rais Mstaafu Mzee Ali Hassan Mwinyi na Waziri Mkuu Mstaafu Dkt. Salim Ahmed Salim (pia alikuwa Katibu Mkuu Mstaafu wa Umoja wa Nchi Huru za Afrika-OAU)  wameingilia kati katika hatua za kunusuru jengo la Skauti Makao Makuu  lililopo Upanga jijini Dar Es Salaam lisiuzwe kwa mnada  na Kampuni ya Madalali ya Flamingo kufuatia utekelezaji wa hukumu ya Mahakama ya Kazi.

Katika mahojiano na 'Chombo cha habari cha Skauti Dar Es Salaam' Mwenyekiti wa Kamati ya Mpito Brigedia Jenerali Mstaafu Gerald Mkude alibainisha kuwa, tarehe 28 Aprili, 2013 alipigiwa simu na msaadizi wa Mzee Mwinyi na kumtaka kuwepo na kikao cha dharura kati ya wadhamini wa chama pamoja na viongozi wa kamati zote mbili (kamati ya mpito ikiongozwa na Ndugu Mkude na kamati tendaji ikiongozwa na Balozi Kuhanga). "Nilitoa taarifa kwa wenzangu kwa kuwepo na kikao cha dharura na wadhamini wa chama na tarehe 29 Aprili, 2013 tulikaa kikao" alisema ndugu Mkude.

Ndugu Mkude alieleza kuwa katika kikao hicho wadhamini wa chama walihoji sababu zilizopelekea kukamatwa kwa jengo na kutaka kuuzwa kwa mnada ndani ya siku 14. "Niliwaelezea sababu hizo na kuwapa taarifa tulizozichukua kwa muda huo" alisema ndugu Mkude.

Pia katika kikao hicho wadhamini wa chama Rais Mstaafu Mzee Mwinyi na Waziri Mkuu Mstaafu Dkt Salim Ahmed Salim walizitaka kamati zote mbili kufuata taratibu za kisheria haraka kwa ajili ya zuio la mahakama kupisha hatua zaidi ya kunusuru jengo hilo.

Wakili wa kujitegemea kutoka katika Kampuni ya Mawakili ya APEX ATTORNEYS walipendekezwa katika mchakato wa kutetea kuuzwa kwa jengo la Skauti, tarehe 5 Mei, 2013 wakili wa Apex Attorneys na Mwenyekiti wa  Kamati ya Mpito Brigedia Jenerali Mstaafu Gerald Mkude walipitia mapendekezo na sababu za zuio (Stop Order) la kupinga hukumu ya mahakama ya kazi kukamata na kutaka kuuzwa kwa mnada jengo la Skauti Upanga Dar Es Salaam.

"Tarehe 6 Mei, 2013 wakili wetu alinitaarifu kuwa Mahakama Kuu imekubali ombi letu na hukumu inachapishwa" alisema Ndugu Mkude.

7 Mei, 2013 Msajili wa Mahakama Kuu aliridhia sababu za kutouzwa kwa jengo na kutaka pande zote mbili (mdai na mdaiwa) kukutana na kuafikiana madai halali ya malipo ya mdai Bi. Agnes George.

MAHESABU YATOFAUTIANA

Katika hali isiyo ya kawaida, baada ya kupitia makalablasha mawakili wanaokiwakilisha Chama cha Skauti Tanzania wabaini kiwango cha madai na hoja ya msingi anayodai Bi. Agnes George yanatofauti kubwa, yanakadiliwa kufikia Milioni tano Shilingi za Kitanzania tofauti na hoja yake ya msingi ya madai ya Tsh 111,510,384.60.

Brigedia Jenerali Mstaafu Ndugu Gerald Mkude Mwenyekiti wa Kamati ya Mpito.

Ndugu Mkude alieleza kuwa, kesi itasikilizwa tarehe 23 Mei, 2013 Mahakama Kuu ambapo upande wa mdai Bi. Agnes George na mdaiwa Skauti Tanzania watawasilisha maoni yao kuhusu uhalali wa madeni yao kwani upande wa mdai unahoja ya kudai 111,510,384.60 na mdaiwa ukiwa na hoja ya kudaiwa  kiasi kinachokadiriwa kutozidi Milioni Tano fedha za Kitanzania.

"Suala la mnada limesitishwa, ninawashukuru wadhamini wa chama kwa kutuongoza vyema, nawashukuru pia kamati zote mbili na wanachama wote wa Skauti kwa mchango wao wa hali na mali, utulivu, maombi na dua zao katika hali hii" alisema Ndugu Mkude na kuahidi kutoa ushirikiano na taarifa kwa wakati katika kipindi hichi.

HATI YA PINGAMIZI

SKAUTI MKUU MTEULE ASABAHIANA NA SKAUTI

Skauti Mkuu Mh. Mwantum Mahiza akivalishwa Skafu na Skauti mara baada ya kuwasili katika ukumbi wa Don Bosco Upanga jijini Dar Es Salaam kuwasabahi Skauti tarehe 06/05/2013

Mh. Mwantum Mahiza akisaini kitabu cha wageni

Mkuu wa Mkoa wa Pwani Mh. Mwantum Mahiza ambaye ni Skauti Mkuu Mteule aliwasabahi Skauti wa Mkoa wa Dar Es Salaam katika ukumbi wa Don Bosco Upanga jijini Dar Es Salaam kabla ya kikao na kamati ya mpito, kamati tendaji na wakufunzi wa Skauti Makao Makuu ya Skauti, Mh. Mahiza aliteuliwa na Mlezi wa Skauti Tanzania Mh. Dkt Jakaya Kikwete (Rais wa Jamhuri ya Muungano wa Tanzania) tarehe 19 Aprili, 2013. Mh. Mwantum pia alisaini kitabu ikiwa kama ishara yake ya kufika ofisini Makao Makuu ya Skauti kuanza kazi. 

Mh. Mahiza alitoa shukrani zake kwa Skauti wa Tanzania kwa demokrasia waliyoitumia baada ya uchaguzi katika Mkutano Mkuu Maalum wa Baraza Kuu uliofanyia tarehe 05 Januari, 2013 na hatimaye tarehe 19 Aprili, 2013 kuteuliwa kuwa Skauti Mkuu Tanzania.

Katika salamu zake Mh. Mahiza aliwasisitiza Skauti Tanzania kuwa na mshikamano, uadilifu, imani, na kuwakumbusha Skauti kuwa yaliyopita si ndwele. "Binadamu si wakamilifu tusichukulie udhaifu wetu kuharibu Skauti Tanzania" alisema Mh. Mahiza. Aliongeza kusema "Nina maanisha kweli kweli Skauti wana imani na mimi, nami si malaika lakini nina imani kubwa ya kuleta mabadiliko ambayo yataleta hofu, kubwa zaidi bila ya ushirikiano wenu basi hatutafika" 

Aliwataka Skauti kuweka chama mbele na mtu nyuma ili katika kurudisha imani ya Skauti kwa jamii.

Mh. Mwantum Mahiza Skauti Mkuu Mteule akionyesha Kiruhusishi (Warrant) chake cha Uteuzi wa Skauti Mkuu kwa Skauti waliohudhuria katika mazungumzo, wa kwanza kushoto aliyesimama ni Mwenyekiti wa kamati ya mpito Brigedia Jenerali Mstaafu Gerald Mkude, katika Ukumbi wa Don Bosco Upanga Dar Es Salaam tarehe 06 Mei, 2013.

MKUTANO MKUBWA 

Mh. Mahiza alisisitiza kuwa ana tabia ya kusamehe kabla ya kuomba msamaha, pia aliwataka Skauti Tanzania kusameana kwanza na kufungua ukurasa mpya.

"Miezi miwili baada ya kuapishwa kwangu, tutakuwa na mkutano mkubwa ambao tutautumia katika kuleta mabadiliko na mafanikio zaidi, pamoja na kuipitia katiba yetu, muundo wa Skauti je, upo sawa, viongozi tuliopo tunafaa? ndiyo au hapana?" alisema Skauti Mkuu Mteule.

Mh. Mahiza alisema pia, mabadiliko yanaweza kuwafurahisha na kuwachukiza wengine lakini aliwakumbusha Skauti kukumbuka na kuzingatia kiapo cha chama.

MAKUNDI

Mh. Mahiza aliyesimama akisisitiza jambo.

Skauti Mkuu Mteule Mh. Mahiza aliwakumbusha Skauti kuwa makundi hayana maendeleo yeyote na kuwataka Skauti kuwa na kaliba na weledi nzuri ili kukijenga chama, aliwataka Skauti Tanzania wajue kuwa amekuja kuimarisha chama na kuwataka Skauti wasameheane saba mara sabini kwani hakuna mtu aliye msafi, Skauti ni mapenzi ya mtu kwahiyo ushirikiano ni muhimu sana kwani kuna majanga mengi na Skauti tuwe wepesi katika matatizo ya kijamii na mfano wa kuigwa kwa jamii. Katika kusaidia watoto, kuzuia uhalifu na kufundisha stadi na maalifa ya Skauti mashuleni.

Mh. Mahiza alikemea makundi kwani makundi utoa imani na kuleta jambo kubwa baya, "Tunahitaji kufanya mabadiliko yatakayo fufua Skauti kwa kufanya mema, mabadiliko kwa kushirikiana sote tuelezane mabaya na mema" alisema Mh. Mahiza.

Skauti Mkuu alitahadharisha kuwa katika Skauti hakuna Siasa, Udini wala Ukabila na hatokubali hayo katika uongozi wake.

Kiruhusishi (Warrant) ya Skauti Mkuu Mteule Mh. Mahiza

Barua ya kuteuliwa kuwa Skauti Mkuu kwa Mh. Mahiza

Baadhi ya Skauti walioudhulia maongezi na Skauti Mkuu Mteule katika ukumbi wa Don Bosco Upanga, Dar Es Salaam.

Rais Dk. Kikwete amteua Mh. Mahiza kuwa Skauti Mkuu

Mheshimiwa Mwantum Mahiza, Skauti Mkuu

Rais wa Jamhuri ya Muungano wa Tanzania mheshimiwa Dr. Jakaya Mrisho Kikwete ambaye pia ni Mlezi wa Chama cha Skauti Tanzania, amemteua Mh. MWANTUM Bakari Mahiza kuwa Skauti mkuu wa chama cha Skauti Tanzania.

Kwa mujibu wa barua ya Katibu Mkuu Kiongozi, Balozi Ombeni Sefue amesema uteuzi wa mheshimiwa Mahiza umeanza tangu tarehe 19 Aprili 2013, kwa uteuzi huo mheshimiwa Mahiza anachukua nafasi iliyoachwa wazi na Kanali mstaafu Iddi Kipingu ambaye amemaliza muda wake.

 

Kanali Mstaafu Iddi Kipingu (aliyevaa pama)

Mh. Mahiza ambaye ni Mkuu wa Mkoa wa Pwani, aliibuka na kura 47 katika mkutano mkuu wa baraza kuu la Skauti nchini tarehe 05 Januari 2013 katika ukumbi wa Dob Bosco jijini Dar Es Salaam.

Habari hii kwa mujibu wa :

KATIBU MKUU 

WIZARA YA ELIMU NA MAFUNZO YA UFUNDI

Skauti Tanzania Yauzwa..!!?

Katika jambo kubwa la kuwagubika giza na mshangao usio na mfano, Skauti wa Tanzania walipopata habari za Jengo na eneo la Makao Makuu ya chama hicho litapigwa mnada ndani ya siku 14 kuanzia tarehe 24/04/2013 endapo chama kitashindwa kulipa fedha za Kitanzania zaidi ya Milioni Mia Moja.

Bango lililobandikwa katika ofisi ya Makao Makuu ya Skauti Tanzania, linaloijulisha Umma kuwa jengo hilo limekamatwa na Mahakama Kuu ya Kazi

Tarehe 24 mwezi Aprili mwaka 2013 majira ya asubuhi baadhi ya maofisa kutoka Kampuni ya Mnada ya Flamingo walifika ofisi za Makao Makuu ya Skauti Tanzania zilizopo Dar Es Salaam, wilaya ya Ilala eneo la Upanga, maofisa hao wakiwa na Hati ya kukamata nyumba kiwanja namba 1078 na Lo 120652, inayoonyesha madai ya jumla ya Tzs 114,855,686.13 na kumtaka katibu mhuktasi wa chama hicho kusaini mapokeo ya hati hiyo na kukubaliana malipo ya madai hayo yalipwe ndani ya siku kumi na nne tokea siku hiyo.  Katibu mhuktasi huyo alikataa kusaini na kuchukua jukumu la kumpigia simu ya mkononi Mwenyekiti wa Kamati ya Mpito ndugu G. Mkude (Brigedia Jenerali Mstaafu) ambaye alimtaka katibu mhuktasi huyo kutopokea ama kusaini mpaka yeye afike ofisini. Badala yake maofisa hao wa kampuni ya Mnada ya Flamingo walibandika  bango (Hati) hiyo katika eneo la kubandika matangazo la chama hicho (kama linavyosomeka hapo juu)

Skauti ni chama cha watoto na vijana wakiongozwa na watu wazima, leo hii  wasimamizi wameshindwa wajibu wao, na kuacha mali zao zikitingishwa kwa njinsi watakavyo wao.

SKAUTI WAKUTANA

Tarehe 24/04/2013 baada ya kubandikwa kwa bango la hati ya kukamatwa kwa jengo la chama chao, baadhi ya Skauti wa Mkoa wa Dar Es Salaam walikutana kwa dharura katika viwanja vya makao makuu ya chama chao kwa kutaka kujua ukweli wa jambo hilo.

"Haya yote yanatokana na tamaa zilizoambukizwa na gonjwa linalosababishwa na uloo wa chakula cha ufisidi" alisikika akisema mpita njia ambaye hakufahamika jina.

CHANZO

Katika miaka ya nyuma aliyewai kuwa mfanyakazi kama katibu mhuktasi Bi. Agnes George alikuwa na madai yanayokadiliwa kufikia milioni tano kama malipo ya kiinua mgongo na usafiri. Alifungua kesi ya madai iliyopelekea kuuzwa kwa mnada gari aina ya SUZUKI - Vitara mali ya chama hicho utekelezaji wa hukumu ya Mahakama.

TATIZO

Baadhi ya Skauti wamefunguka na kusema 'tatizo kubwa linalokisumbua chama chetu kwa sasa ni kutokuwa na uongozi' Chama chetu kwa sasa kinaendeshwa na Kamati ya Mpito iliyoteuliwa na Rais wa chama ambaye ni Waziri wa Elimu (Mhe. Dr Shukuru Kawambwa).

Akiongea na baadhi ya Skauti waliokuwa katika eneo la kiwanja cha Skauti makao makuu siku hiyo ya tukio ya kubandikwa kwa hati ya kukamata nyumba (jengo la Skauti) Mwenyekiti wa Kamati ya Mpito ndugu G. Mkude (Brigedia Jenerali Mstaafu) alisema "Kamati hii ya mpito imemaliza muda wake tangu tarehe 6/03/2013, niliandika barua ya kuomba muongozo kwa rais wa chama na nakala ya barua hiyo kumpelekea Mwenyekiti wa kamati tendaji" aliendelea kubainisha "Tarehe 5/04/2013 rais wa chama akatuongezea muda wa miezi 3 mbele zaidi" mwisho wa kunukuu.

Ndugu Mkude aliwaeleza Skauti hao kuwa ameitisha kikao cha dharura siku ya jumatatu tarehe 29/04/2013, kikao hicho ni cha kamati zote mbili, kamati ya mpito ikiongozwa na ndugu Mkude na kamati tendaji ikiongozwa na Balozi Kuhanga. Kikao hicho kitajadili suala la hati ya kukamatwa kwa jengo la chama chetu.

MKUU WA WILAYA YA ILALA

Kipindi cha takribani wiki moja kabla ya tukio hilo, baadhi ya Skauti walikuwa wanatumiana ujumbe mfupi wa simu ya mkononi kuhusiana na uongozi wa Skauti na Uskauti.

Baadhi ya watu wasiopenda mafanikio ya Skauti Tanzania walitumia nafasi hii kwa kutuma ujumbe mfupi wa simu ya mkononi uliohamasisha Skauti kuandamana kupinga uzembe uliofanywa na uongozi kupelekea kukamatwa  kwa jengo hilo. Ujumbe huo ulifika kwa baadhi ya Viongozi wa Serikali na taasisi zake za kiusalama.

Taarifa hiyo ilimlazimu Mkuu wa Wilaya ya Ilala kumuagiza afisa tarafa wa tarafa ya Kariakoo ndugu Muyanjo akiambatana na Polisi tarafa wa tarafa hiyo Insp. Ibrahimu kwenda makao makuu ya chama chetu kujua ukweli wa jambo hilo. Viongozi hao walikutana na Mwenyekiti wa kamati ya mpito  ndugu G. Mkude (Brigedia Jenerali Mstaafu) pamoja na Kamishina wa Skauti wa Mkoa wa Dar Es Salaam, Ndugu Abubakari Mtitu.

"Sisi ni taasisi yenye nidhamu, hekima na heshima tunashirikiana kwa pamoja na Serikali na baadhi ya taasisi zake nyingi kwa shughuli zetu za kila siku, hatufikirii kuandamana wala hatuna nia hiyo, tupo hapa kutaka kujua au kusikia kutoka kwa viongozi wetu" alisema mmoja wa Skauti, akiwaambia Skauti wenzake pamoja na Afisa tarafa na Polisi tarafa wa Kariakoo katika kikao hicho kisicho rasmi

Hati ya Shukrani

Hati hii ya shukrani kwa Skauti Tanzania imetolewa na Mkuu wa Mkoa wa Dar-Es-Salaam kwa kuthamini mchango wao katika kuhudumia jamii.

Skauti wamekuwa na utamaduni wa kusaidia, kufundisha na kuelimisha mambo ya msingi kwa jamii .  Desturi hii ya Skauti inadhiirika pale wanapokuwa mstari wa mbele katika kuchangia elimu isiyokuwa rasmi, kufundisha maadili yaliyo bora na mema kwa jamii. Skauti wamekuwa wakisaidia, kutoa huduma ushahuri kwa waliokumbwa na maafa, tarehe  31/03/2013 Skauti walishiriki uokoaji wa jengo lililo "poromoka" lililokuwa mtaa wa Indira Ghandi na barabara ya Morogoro jijini Dar Es Salaam.

Kamishina wa Skauti Mkoa wa Dar Es Salaam, Kamishina Abubakari Mtitu akipokea hati ya shukrani toka kwa Mstahiki Meya wa Manispaa ya Ilala Mh. Jerry Silaa, tarehe 07/02/2013 kwa kutambua mchango wa Skauti Tanzania katika kuhudumia waanga wa mafuriko yaliyotokea tarehe 20/12/2011 kwenye kata ya Upanga Magharibi jijini Dar Es Salaam.

Picha ya pamoja Mstahiki Meya wa Manispaa ya Ilala Mh. Jerry W. Silaa wa pili toka kulia (aliyevaa suti na tai), Diwani wa Kata ya Upanga Magharibi Mh. Mbaga wa pili toka kushoto, kamishina wa Skauti Mkoa wa Dar Es Salaam Kamishina Abubakari Mtitu aliyeshika hati ya shukrani (aliyesimama katikati) pamoja na viongozi wa Makundi ya Skauti, Rajabu Mpita wa kwanza kushoto na wa kwanza kulia ni ndugu Ally.