DAR ES SALAAM WOOD BADGE COURSE (WBC) JULAI 2018

Skauti na Vitambulisho

Chama cha Skauti Tanzania baada ya kuendeleza mchakato wa kuwa na mfumo mzuri wa kutunza kumbukumbu za wanachama wake hatimaye sasa wajikomboa.
Mchakato huo ambao ni pamoja na kuwa na kitambulisho au kadi ya mwanachama madhubuti ulianzia tangu mwaka 2015.

[ Ndugu Sabasaba Moshingi Afisa Mtendaji Mkuu wa TPB bank (kulia) na ndugu Abdulkarim Shah Kamishna Mkuu wa Skauti (kushoto) wakisaini mkataba wa ushirikiano leo tarehe 23 Januari 2018 katika ofisi ya Makao Makuu ya TPB bank, Dar es Salaam[/caption]

Hatimaye leo (23 Januari, 2018) Chama cha Skauti Tanzania kimefanikisha na kuweza kusaini mkataba na Benki ya Posta Tanzania.
Mkataba ambao utawezesha TSA kuwa na “database” ambayo itaweza kuhifadhi kumbukumbu ya mwanachama na kuweza kukusanya ada za mwanachama kwa uhakika zaidi.
“Naweza kusema kuwa ni mfumo wa kwanza kwa Skauti duniani kote, Tanzania tumeonyesha njia bora ya kujua idadi ya wanachama na kwa njia hii” alisema Shah Kamishna Mkuu.

Benki ya Posta wafarijika

Ndugu Sabasaba Moshingi Ofisa Mtendaji Mkuu wa Benki ya Posta Tanzania alisema benki yao imefarijika sana kwa kushirikiana na Chama cha Skauti Tanzania katika mfumo huu wa kuwezesha mwanachama wa Skauti kuwa na akaunti pamoja na kutumia kadi yake ya benki kama kitambulisho kitakacho weza kuweka kumbukumbu zake.

Ndugu moshing ameyataja baadaadhi ya manufaa yatakayopatikana kwa Skauti kuwa ni kuwezesha TSA kuwa na “database” ya wanachamwa wake, kuwa na kitambulisho cha kisasa chenye kuweka kumbukumbu na pamoja kumwezesha mwanachama kuwa na akaunti yenye kuwezesha kulipia ada yake ya uanachama kwa urahisi zaidi.

TPB bank inajumla ya matawi 68 makubwa na madogo. Ndugu Moshingi alisema wamejipanga kikamilifu na kuweza kufungua “online” kwa njia ya mtandao popote pale utakapokuwa, na huduma zake ni rahisi waweza kutumia mitandao ya simu kuweka akiba yako.

] Ndugu Sabasaba Moshingi Afisa Mtendaji Mkuu wa TPB bank akibadilishana mkataba wa mahusiano na ndugu Abdulkarim Shah Kamishna Mkuu wa Skauti Tanzania, wa kwanza kushoto ni ndugu Juma Massudi Kamishna Mkuu Msaidizi idara ya Hati na Usajili Chama cha Skauti Tanzania akishuhudia.



Ndugu Sabasaba Moshingi Afisa Mtendaji Mkuu wa TPB bank na ndugu Abdulkarim Shah Kamishna Mkuu wa Skauti Tanzania wakionyesha mfano wa Kitambulisho cha Skauti pia ni Kadi ya benki.

Balozi Kuahanga naye:

Balozi Nicolaus Kuhanga Mwenyekiti wa Kamati Tendaji Chama cha Skauti Tanzania hakuficha furaha yake na kusema kuwa “ushirikiano huu utaleta maendeleo kwa TSA” aliendelea kusema kuwa mfumo huu utawezesha TSA kuweza kukusanya ada kiukamilifu na bila kificho.

Massudi meno 32 nje

Jambo hili limemfurahisha sana ambalo lipo katika idara yake.

SKAUTI DAR WATOA FOMU

Chama cha Skauti Mkoa wa Dar es Salaam, kimetangaza kuwepo kwa Mkutano Mkuu Maalum unaotarajiwa kuwepo tarehe za mwisho wa mwezi huu wa Januari 2018.

Akihojiwa ofisini kwake jana 15 Januari 2018 ndugu Abubakar Mtitu Kamishna wa Skauti wa Mkoa wa Dar es Salaam alisema, "Mkoa unatarajia kuwepo na Mkutano Mkuu Maalum ambapo tutaunda Bodi ya Skauti Mkoa pamoja na kuchagua Viongozi wapya wa bodi hiyo"

Nafasi zilizotangazwa kugombea ni Mwenyekiti, Makamo Mwenyekiti ambao watakuwa wawili pamoja na wajumbe wa bodi.

 

 

Tarehe rasmi ya uchaguzi itatangazwa hivi karibu.
Waweza kujaza fomu hizo za kugombea uongozi kwa njia ya kielektroniki (Online) kwa kubonfya hapa https://tzcentenary2017.wordpress.com/2018/01/16/fomu-ya-uongozi-mkoa-wa-dar-es-salaam/ 

Na kwa habari zaidi za uchaguzi wa Skauti Tanzania kwa ngazi ya Taifa tembelea au bonfya hapa https://tzcentenary2017.wordpress.com

 

HURU KUGOMBEA SKAUTI MKUU

Mchakato wa Skauti Mkuu waanza

Chama cha Skauti Tanzania kimetangaza upatikanaji wa fomu za kugombea nafasi mbalimbali za uongozi, hii ni desturi ya upatikanaji wa uongozi wa Skauti Tanzania.

Kwa kupitia Mkutano Mkuu Maalum wa Baraza Kuu la Chama cha Skauti Tanzania, ambao ndicho chombo ambacho kinapiga kura na kupata majina 3 yatakayopelekwa kwa Mlezi wa Skauti Tanzania ambaye pia ni Rais wa Jamhuri ya Muungano wa Tanzania kwa kuteua Skauti Mkuu.

"Kwa sasa inatarajiwa kuwepo kwa uchaguzi mkuu ambapo tarehe rasmi na eneo litatangazwa" alisema Kamishna Mtendaji wa Skauti Bi. Eline Kitaly

 Kwa sasa Skauti Mkuu wa Skauti ni Bi. Mwantum Mahiza, Kamishna Mkuu wa Skauti ni Ndugu Abdulkarim Shah.

Chama cha Skauti pamoja na kuwa na Makamishna wakuu wa saidizi pia kuna Naibu Kamishna Mkuu ambaye ni ndugu Rashid Mchatta, viongozi wote hao wanamaliza muda wao wa uchaguzi baada ya kupatikana viongozi wapya baada ya uchaguzi na kfuatiwa kuteuliwa kwa Skauti Mkuu na Mlezi wa Skauti (Rais wa nchi)

 Kipenga cha kumtafuta Skauti Mkuu kimepulizwa, mwisho wa kurudisha fomu ni tarehe 15 Januari, 2018 waweza kujaza fomu kielektronik kwa kubonfya hapa ➤ https://tzcentenary2017.wordpress.com/2018/01/06/fomu-ya-uongozi-chama-cha-skauti-tanzania/ pia waweza kupata fomu ya uongozi kwa barua pepe ya: szone2012@live.com au dsmscout@gmail.com
Waweza pia kupakua fomu hii kwa https://web.facebook.com/SCF360

 

UCHAGUZI SASA MWAKA 2018

TSA yawawezesha Waelekezaji wa 'U-Report'

Balo Emmanuel, Meneja wa Mradi wa U-Report kutoka UNICEF akielezea jambo katika Warsha ya Wawezeshaji wa mradi huo katika Ukumbi wa hotel ya Ndekha jijini Dar es Salaam, tarehe 23/03/2017 (Picha na Sassi)

Habari na Crispin Majiya (PR Lab), Dar es Salaam

Chama cha Skauti Tanzania kwa kushirikiana na Mfuko wa Umoja wa Mataifa wa kuhudumia Watoto (UNICEF) kimefanya Warsha ya Siku Mbili Jijini Dar es Salaam yenye lengo la kuwawezesha Makamishna wa Mikoa na Wilaya pamoja na Wawakilishi wa Majukwaa ya Vijana kutoka Mikoa na Wilaya zao.

Warsha hii ni Awamu ya kwanza ya Mradi wa U-Report unaotekelezwa na Chama cha Skauti Tanzania, chini ya Udhamini wa UNICEF, ambapo katika Awamu hii Washiriki wanawezeshwa kuwa Waelekezi ambao watarudi Mikoani kwao kufundisha Vijana ambapo kila Kamishna wa Mkoa atawezeshwa kufanya kambi yenye Washiriki Vijana wasiopungua Sitini. hii itakuwa ni Awamu ya Pili ya Mradi wa U-Report.

Bi. Easter Peter Riwa Mkurugenzi Msaidizi Kazi na Maendeleo ya Vijana na Watu Walemavu Ofisi ya Waziri Mkuu akifungua Warsha hiyo.

U-Report ni programu maalum kwa ajili ya kutoa taarifa kwa matukio mbalimbali yanayotokea kwenye jamii zetu kama vile unyanyasaji wa watoto / kijinsia, matukio ya uhalifu, ajira za utotoni na ukatili dhidi ya watoto.

Aidha, imetolewa rai ya kujiunga kwa kutumia sms yenye neno 'SAJILI' kwenda namba '15070' na sms zote ni Bure (bila ya kutozwa gharama yoyote).

Huduma hii inapatikana kwa watumiaji wa mitandao ya simu ya kiganjani ya Tigo, Vodacom, Airtel na Zantel. Aidha mradi huo unatarajia kujiunga na mitandao mingine ya simu ya kiganjani ya Halotel pamoja na TTCL.

Aidha pamoja na uwezeshaji huu, washiriki walipata mafunzo kuhusu baadhi ya Sera za Chama cha skauti Tanzania jinsi zinavyoendana na programu hii ya U-Report. Sera hizo ni Sera ya Ulinzi wa Mtoto, Sera ya Programu za Vijana pamoja na Programu yenyewe. Pia walijifunza kuhusu Jinsi U-Report inavyoweza kutumika katika Ujumbe wa Amani (MoP) na Majadiliano, na kukabiliana na Maafa.

Baadhi ya washiriki wa Warsha wakisikiliza kwa makini

Mhariri na Picha: Sassi
Habari kwa Msaada wa TSA-PR Lab
(c)Tanzania Scouts Association - PR Lab 2017

Rais Mstaafu Mzee Mwinyi Aongoza Matembezi ya Skauti Dar

Skauti Mkuu wa Chama cha Skauti Tanzania, Mwantumu Mahiza, akizungumza jambo baada ya kuhitimisha matembezi (Tarehe 18/02/2017)

RAIS mstaafu ambaye pia ni Mdhamini wa Skauti Tanzania, Mzee  Ali Hassan Mwinyi,  leo (tarehe 18/02/2017) ameongoza matembezi ya hisani (Charity Walk) kwa ajili ya kuchangisha fedha  za kufanikisha shughuli za Chama cha Skauti Tanzania  kutoka kwa wadau na marafiki wa skauti kuelekea maadhimisho ya siku ya Skauti Afrika yanayotarajiwa kufanyika Machi 8 hadi 11 na Miaka 100 ya Skauti Tanzania (1917 - 2017) matukio yote mawili yanategemea kufanyika mwaka huu jijini Arusha.

Matembezi hayo ya hisani yameanzia katika kiwanja cha Skauti kilichopo Upanga jijini Dar es Salaam na kuishia katika bwalo la Maofisa wa Polisi (Police officers Mess) la Oysterbay kuanzia saa 12 asubuhi na kufikia tamati majira ya saa nne asubuhi.

Rais Mstaafu wa awamu ya pili, Ali Hassan Mwinyi (wa pili kushoto) alipofika katika viwanja vya Bwalo la Polisi, Oyster Bay jijini Dar, wakati alipohitimisha matembezi ya hisani. Kushoto ni Waziri wa Elimu, Sayansi,Teknolojia na Ufundi, Prof. Joyce Ndalichako aliyeungana naye.

Aidha, Rais Mstaafu ALI HASSAN MWINYI, amezindua mfuko wa kuchangia maandalizi ya mkutano wa Skauti wa Afrika, uanaotarajiwa kufanyika Arusha, Machi mwaka huu ambapo ameonyesha kufadhaishwa na baadhi ya wazazi wanaoshindwa kuwalea watoto wao katika roho na kweli hivyo kujiingiza katika vitendo vya uvunjifu wa maadili na kihalifu ikiwemo matumizi ya vileo na dawa za kulevya.

Tanzania inatarajiwa kuwa mwenyeji wa zaidi ya watu 5,000 kutoka nchi mbalimbali za Afrika na nje ya bara hilo wanaotarajiwa kuhudhuria mkutano wa mwaka wa maskauti kuanzia Mach 8 mpaka 11 mwaka huu Mkoani Arusha, ikiwa ni maadhimisho ya kila mwaka ya siku ya skauti Afrika yanayokwenda sambamba na maadhimisho ya miaka 1OO ya skauti Tanzania.

Mzee Mwinyi, ambaye ni Mwenyekiti wa baraza la wadhamini wa skauti Tanzania,mwenye umri wa miaka 93 sasa, akiwa bado ni mkakamavu na mwenye siha njema, alitembea kilometa 6.5 kutoka Makao makuu ya skauti Upanga mpaka viwanja vya bwalo la maafisa Polisi Ostabei, katika matembezi ya hisani kuchangia maandalizi ya mkutano huo unaotarajiwa kugharimu shilingi milioni 800.

Waziri wa Elimu, Sayansi, Teknolojia na mafunzo ya Ufundi, Profesa JOYCE NDALICHAKO, ambaye kwa mujibu wa katiba ya skauti ni Rais wa skauti kutokana na madaraka yake, amewasihi wazazi kuwapeleka watoto wao skauti wakajifunze maarifa, stadi za maisha na uzalendo, badala ya kuwaacha kama mifugo isiyo na mchungaji na katika hatua nyingine, amewaonya walimu wote amabo shule zao zitabainika kuwa vijiwe vya wanafunzi kujifunzia mambo yasiyofaa, serikali haitawavumilia.

Akizungumza baada ya kumalizika kwa matembezi hayo, Skauti Mkuu wa Chama cha Skauti Tanzania, Mwantumu Mahiza,  alisema kuwa chama hicho kinatarajiwa kusherehekea Siku ya Skauti Afrika na kuadhimisha miaka 100 tangu Skauti kuingia Tanzania Bara (Tanganyika).  Chama hicho hapa nchini kilianza mwaka 1917 na mwaka huu wa 2017 kinatimiza miaka 100.

Uchangishaji mwingine wa fedha kwa njia ya chakula (Dinner Gala Fund Raising) unategemea kufanyika Februari 24  katika Hoteli ya Serena ya ijini Dar es Salaam.

Kwa upande wake kamishna Mkuu wa Skauti Abdulkarimu Shah amesema bado wanaendelea kuwahamasisha vijana kujiunga katika chama hicho ili kuwa waadilifu, wajasiri, wabunifu na wenye maarifa ili kufanikiwa na kuepukana na magonjwa yanayoepukika ikiwemo Ukimwi.

Maadhimisho hayo yatafanyika juni 24 hadi julai mosi mwaka huu mjini Arusha, yenye kauli mbiu inayosema “kuwajenga wazalendo na kufanya kazi kwa bidii kwa maendeleo ya nchi”.