SKAUTI WAPO KATIKA MAJONZI MAKUBWA

MHOMWA HATUNAYE TENA

Chama cha Skauti Tanzania kimepatwa na pigo kubwa baada ya kufariki aliyekuwa Kamishna Mkuu ndugu Lawrence Humphrey Mhomwa.

Enzi ya uhai wake Marehemu Lawrence Hamphrey Mhomwa (wa pili kutoka kushoto) akiwa na baadhi ya wajumbe wa Mkutano Mkuu wa Baraza kuu wakifuatilia jambo kwa makini, ulifanyika tarehe 05 Januari 2013 katika ukumbi wa Don Bosco Upanga
Dar Es Salaam.

Kwa mujibu wa msemaji wa wana-familia ya marehemu Mhomwa alisema, "Mpendwa Lawrence alifariki tarehe 20.03.2015"

Marehemu Lawrence Mhomwa, mpaka anafariki alikuwa mfanyakazi wa Shirika la Ndege la Tanzania (ATC).

Marehemu ndugu Lawrence Hamphrey Mhomwa alizaliwa katika kijiji cha Ng'ombo Wilaya ya Nyasa mkoani Ruvuma tarehe 18 Desemba 1958.

Marehemu Lawrence aliamia jijini Dar Es Salaam na kuishi na mjomba wake ndugu Gabriel Matao na kuanza Elimu ya Msingi katika Shule ya Uhuru Mchanganyiko mwaka 1967 hadi mwaka 1974 alipofaulu na kujiunga na Shule ya Sekondari ya Azania mwaka 1975 hadi 1978.

Skauti kikosi maalum cha pared wamebeba sanduku lenye mwili wa marehemu Lawrence Humphrey Mhomwa kuelekea kanisani kwa ibada.

Kamishna Mkuu wa Skauti Mhe. Abdulkarim Shah (Mb) alimuelezea marehemu Mhomwa alikuwa mtu shupavu na alikuwa kiongozi pamoja na mkufunzi wake katika nishani mbalimbali za Skauti alizopata Mhe. Shah, pia Kamishna Mkuu Mhe. Shah aliendelea kusema, " marehemu ndungu Lawrence Mhomwa alijiunga na Chama cha Skauti Tanzania mkoa wa Dar Es Salaam tangu alipokuwa katika shule ya Msing ya uhuru Mchanganyiko miaka ya 1970 na kuendelea na shughuli  za Skauti hadi alipoingia katika shule ya Sekondari ya Azania mwaka 1975.

Kamishna Mkuu Mhe. Shah (Mb) aliendelea kusema, " Akiwa shuleni Azania Marehemu Lawrence Mhomwa aliongeza juhusi na maarifa zaidi katika shughuli za Skauti na kutunikiwa nishani ya Kwanza ya Skauti (First Class) tarehe 03.09.1975, ambapo pia alichaguliwa kuwa kiongozi wa Kikosi (Patrol Leader), na baadae kuwa kiongozi wa kikundi (Troop Leader).

Skauti Mkuu Mhe. Mwantum Mahiza (Mkuu wa Mkoa wa Lindi) akisalimiana na Skauti alipowasili katika nyumba ya msiba wa Marehemu Lawrence Humphrey Mhomwa, tarehe 23.03.2015 Kinondoni Studio  jijini Dar Es Salaam.

Mhe. Shah (Mb) alizidi kufafanua kuhusu marehemu Lawrence Mhomwa kuwa, baada ya kumaliza Elimu yake ya Sekondari katika Shule ya Azania na huku akifanya kazi, Marehemu Lawrence Mhomwa aliendelea na shughuli za Skauti hadi kuteuliwa kuwa Kamishna wa Skauti Wilaya ya Kinondoni mwaka 1980 hadi 1985.

Marehemu Lawrence Mhomwa alishika nyadhifa mbali mbali.

Mwaka 1986 hadi 1990 alikuwa Kamishna wa Skauti Mkoa wa Dar Es Salaam, mwaka 1991 hadi 2001 aliteuliwa kuwa Kamishna Mkuu Msaidizi Mafunzo,. Makao Makuu ya Chama cha Skauti Tanzania.

Mwaka 2002 hadi 2005 aliteuliwa kuwa Kamishna Mkuu Msaidizi Programu za Vijana, makao makuu ya Chama cha Skauti Tanzania na mwaka 2008 hadi 2012 aliteuliwa kuwa Kamishna Mkuu wa Chama cha Skauti Tanzania ambapo baada ya hapo alimwachia Mhe. Abdulkarim Shah (Mbunge wa Mafia)

Viongozi mbalimbali walihudhuria mazishi ya Marehemu Lawrence Mhomwa, Kamishna Mkuu Mhe. Abdulkarim Shah (wa pili kutoka kulia) akifuatiwa na aliyekuwa Skauti Mkuu ndugu Kipingu (aliyevaa suti wa tatu toka kulia) na Kamishna Mkuu Msaidizi Mambo ya Nje, Uhusiano wa Kimataifa, Mawasiliano na Jota-Joti Skauta Fredirick Peter Nguma (wa pili kutika kushoto)

Marehemu ndugu Lawrence Mhomwa alipata mafunzo mbalimbali ya Skauti ndani na nje ya Nchi, mafunzo ya Ujasiri na Maarifa, ikiwa ni pamoja na kupanda Mlima wa Kilimanjaro akiwa Skauti mwenye umri mdogo.

Marehemu pia ameshiriki katika kambi mbali mbali za Skauti ndani na nje ya nchi, ikiwa ni pamoja na Jamboree ya Dunia ya Skauti kutimiza miaka 100 iliyofanyika nchini Uingereza mwaka 2007.

Mwaka 1978 alipata Mafunzo ya Mkufunzi Msadizi (ALT) Chama cha Skauti Tanzania katika kambi kuu ya Bahati mkoani Morogoro.

Mwaka 1994 alipata Mafunzo ya Mkufunzi Mkuu (Leader Trainer) kutoka kambi ya Skauti Nyeri, Kenya.

Hadi alipofariki, marehemu Lawrence Humphrey Mhomwa alikuwa Mkufunzi wa Chama cha Skauti Tanzania.

Enzi ya uhai wake, Marehemu Lawrence Humphrey Mhomwa akiwa katika utendaji kazi wa Skauti ofisini kwake Chama cha Skauti Tanzania.

Msemaji wa familia ya marehemu alizungumzia kuhusu marehemu katka shughuli zake za kazi, msemaji huyo alisema, Marehemu ndugu Lawrence Humphrey Mhomwa baada ya kumaliza Elimu yake ya Sekondari aliajiliwa na Hotel ya Kunduchi Beach iliyopo jijini Dar Es Salaam na kufanyakazi kama Mhudumu na baadae kuhamishiwa Idara ya Utunzaji bidhaa (store keeper) mwaka 1978 mwishoni hadi mwanzoni mwaka 1980.

Tarehe 30 Julai 1980 aliajiliwa na Shirika la Ndege la Tanzania (ATC) kama mhudumu wa ndani ya ndege (cabin crew). Mwaka 1986 kutokana na utendaji wake mahiri wa kazi, alipandishwa Cheo kutoka Muhudumu Mkuu (Senior crew hadi kuwa Senior Fight Pursers).

Marehemu Lawrence Mhomwa alifanyakazi katika Idara mbalimbali ndani ya Shirika la ndege la Tanzania, ikiwa ni pamoja na Idara ya Mizigo (Cargo Department) pamoja na Idara Uendeshaji (Operation Department) mwaka 1990.

Aliendelea kusema kuwa, "Marehemu Lawrence Mhomwa alipata mafunzo mbalimbali kuhusu masuala ya Usafiri wa ndege na usalama ndani ya ndege. Mafunzo hayo pamoja na mengine ambayo yalimwezesha marehemu ndugu Lawrence Mhomwa kupandishwa cheo na kuwa Mkufunzi Mkuu (Chief Instructor) kutoka chuo cha Wahudumu wa ndege cha Shirika la Ndege la Tanzania.

Skauti mbali mbali waliudhuria maziko ya Marehemu Lawrence Humphrey Mhomwa kama wanavyoonekana katika picha wakiwa katika eneo la makaburi ya Kinondoni.

Viongozi wa Skauti wakiwa katika eneo la makaburi ya Kinondoni, kwa ajili ya mazishi ya ndugu Lawrence Mhomwa tarehe 23 Machi 2015. Kamishna wa Mkoa wa Dar Es Salaam ndugu Abubakar mtitu (aliyeshika mwamvuli) na Kamishna wa Wilaya ya Ilala ndugu Crispin .W. Majiya (wa kwanza kushoto) 

Msemaji kwa niaba ya wafanyakazi wenzake wa Shirika la Ndege la Tanzania, alimuelezea marehemu Lawrence Mhomwa kuwa, "Alikuwa mtu mahili sana, na kutokana umahili wake na mafunzo thabiti aliyoyapata kutoka katika Chama cha Skauti Tanzania pamoja na Shirika la Ndege la Tanzania, tarehe 13 Februari 1988 wakati ndege ya Shirika la Ndege la Tanzania aina ya Boeing 737 ilipotekwa ikiwa safarini kutoka Dar Es Salaam kwenda Kilimanjaro, marehemu ndugu Lawrence Mhomwa ambaye alikuwa ndani ya ndege hiyo kwa siku hiyo, alifanya kazi kubwa sana ya kuwatuliza abiria walikuwa wanataka kupambana na watekeji wa ndege hiyo".

Msemaji huyo aliendelea zaidi kusema, "Kutokana na ushupavu na ujasiri wake huo, tarehe 26 Aprili 1989 katika sherehe za Muungano alitunukiwa NISHANI YA JUU YA USHUPAVU, na Rais wa awamu ya pili Mheshimiwa ndugu Ali Hassan Mwinyi, katika viwanja vya Ikulu jijini Dar Es Salaam". 

Kwa maelezo mengine ambayo Dar Scout Media iliyapata kutoka kwa msemaji wa familia ya marehemu Lawrence Mhomwa kuwa, Marehemu Lawrence Mhomwa pia aliwai kuwa Katibu wa Chama cha Wafanyakazi (COTWU) tawi la Uwanja wa Ndege wa Dar Es Salaam mwaka 2005 hadi 2011 na baade kuendele kuwa mmoja wa Wajumbe wa Chama hicho.

Pia, wahudumu wa ndani ya ndege wa Shirika la Ndege la Tanzania, walimuelezea marehemu Lawrence kuwa alikuwa mtu wa watu na wa kuigwa hakika watamkosa wa kuweza kumlinganisha.

Hadi alipofariki tarehe 20 Machi 2015Marehemu Lawrence Humphrey Mhomwa alikuwa anashikiria wadhifa wa Mkufunzi Mkuu (Chief Instructor) katika Chuo cha Wahudumu wa Ndege wa Shirika la Ndege Tanzania.

TAARIFA ZA UGONJWA HADI KUFARIKI KWAKE

Matatizo ya kuugua kwa marehemu Lawrence Mhomwa yaliaanza kiasi cha wiki nne (4) zilizopita, akisumbuliwa na matatizo ya maumivu katka koo.

Marehemu alikuwa akipata matibabu katika Hospitali ya Regency na TMJ zote za jijini Dar Es Salaam na alikuwa akiendelea vizuri tu hadi usiku wa tarehe 19 Machi 2015 hali yake ilipobadilika ghafla, na asubuhi ya tarehe 20 Machi 2015 marehemu aliomba familia yake impeleke kwa Mchungaji kwa ajili ya maombi, akiwa njiani kuelekea kwa Mchungaji, hali yake ilibadilika tena, na familia kuamua kumpeleka hospitali ya Mwananyamala ambapo alifariki siku hiyo mchana.

Marehemu atakumbukwa daima kwa umahiri wake na utendaji kazi wake. Taasisi hizi mbili za Chama cha Skauti Tanzania na Shirika la Ndege la Tanzania, ambapo muda wote wa maisha yake amekuwa akizitumikia.

Marehemu Lawrence Humphrey Mhomwa ameacha Mjane na watoto wanne (4).

PICHA MBALI MBALI KATIKA MAZISHI YA MAREHEMU LAWRENCE MHOMWA

MWENYEZI MUNGU AIWEKE ROHO YA MAREHEMU LAWRENCE HUMPHREY MHOMWA MAHALA PEMA PEPONI, AMIN.

• Dar Scout Media
• Scout Chat
• +255-655-095559
• Scout Breaking News
• +255-755-095559

SEMINA ELEKEZI KWA TANZANIA NZIMA

• Kuipa mafanikio makubwa Skauti
• Cheche za mabadiliko zazidi kuonekana

Harakati za kuendeleza maendeleo ya kweli na kurudisha heshima ya Skauti kwa jamii,  harakati hizo zinazidi kukua na kuonekana zaidi, hii ni kufuatia utekelezaji ulio na weledi kwa viongozi wa Chama cha Skauti na Maskauti wote Tanzania.

Chama cha Skauti Tanzania kimeandaa semina elekezi kwa makamishna wote Tanzania, semina hiyo ya siku tatu kuanzia tarehe 18.02.2015 hadi 20.02.2015 inayoendelea katika ukumbi wa Don Bosco, Upanga jijini Dar Es Salaam.

Katika mahojiano na Dar Scout Habari Kamishna Mkuu wa Skauti Tanzania Mheshimiwa Abdulkarim Shah (Mb) alisema, ''Tumekutana kwa mujibu wa taratibu zetu za Skauti, na kwakuwa toka tumeteuliwa hatujawai kukutana na kufahamiana na pia kupanga mikakati ya pamoja katika kuhakikisha kwamba Skauti inafanya kazi zile zinazotakiwa kwa mujibu ya Katiba yetu na kanuni zake na pia kuisambaza Skauti nchini kote, isambae kwa manufaa ya vizazi na nchi yetu''.

Kamishna Mkuu wa Skauti Tanzania Mhe. Abdurkarim Ismail Shah (Mb) akiongea wakati wa ufunguzi wa Semina elekezi iliyofanyika katika ukumbi wa Don Bosco Upanga, Jijini Dar Es Salaam, tarehe 18.02.2015. Wakwanza kulia (walio kaa) ni Naibu Kamishna Mkuu Skauta Rashid Mchatta, akifuatiwa na Kamishna Mkuu Msaidizi kitengo cha Maafa, Majanga na Uhokoaji Skauta Juma Massudi na Kamishna Mkuu Msaidizi kitengo cha Miradi na Maendeleo Skauta Hamis Kerenge Masasa (aliyevaa furana nyeupe na miwani) wa kwanza kulia aliyesimama ni kamishna Mtendaji Ms. Eline Kitaly.
Na wa kwanza kushoto Kamishna Mkuu Msaidizi kitengo cha Utunzaji na Mazingira (aliyevaa nguo ya bluu) 

Mhe. Shah (Mb) aliendelea kusema, ''Kukutana kwetu hapa, mada mbalimbali zitatolewa na kupata fursa ya kuhoji na kutoa mawazo ambayo yote kwa pamoja yatawekwa katika mkakati wetu wa miaka minne na tunaamini kwamba kila mmoja atawajibika kwa nafasi yake kwa mujibu wa taratibu za Skauti'' aliendelea kusisitiza kwamba, ''Ili ndiyo kubwa kwa maana mafunzo yatakayo tolewa hapa tunahitaji kila mmoja wao aende kwa nafasi yake akawajibike''.

Kamishna Mkuu Mhe. Shah alieleza pia, viongozi hao watajengewa uwezo wa kufahamu pale linapotokea jambo hatua gani ichukuliwe ya ziada na kila jambo linalofanyika liweze kuratibiwa na kufika Makao Mkuu na kuwepo na taarifa hizo, pamoja na Skauti kujua na kuwa na taarifa moja ya kila jambo, kuanzia za kambi na nyinginezo. Hii ni faida kubwa ya utawala bora.

Wajumbe wa Semina Elekezi wakisikiliza jambo kwa makini wakati Kamishna wa Mkoa wa Dar Es Salaam Abubakar Mtitu (aliye simama aliyevaa furana ya zambarau) akichangia mada katika semina hiyo, siku ya tarehe 18.02.2015 katika ukumbi wa Don Bosco Upanga, jijini Dar Es Salaam.

Elasto Nangati Kamishna wa Mkoa wa Mtwara alisema, ''Semina hii Elekezi itawawezesha kufanya kazi zao kwa ufanisi zaidi, ukizingatia hatujawai kupewa semina elekezi kama hii kwa hiyo mabadiliko yatakuwepo sana baada ya semina hii''. Aliendelea kusema kuwa, ''Lengo ni kuboresha utaratibu wa uendeshaji, inamanufaa kwangu na kwa wenzangu, kwani itatujengea uwezo sana wa kazi''

Kamishna Mkuu Msaidizi kitengo cha Miradi na Maendeleo Skauta Hamis Kerenge Masasa (aliyesimama) akiwaelekeza jambo wana semina.

Katika semina hii Skauti zaidi ya 112 wa jinsi zote walihudhuria, katika hali iliyokuwa nzuri ya upendo na viongozi hao walionekana kuvalia sare za kila aina na huku wakiwa na nyuso za furaha.

Kiongozi kutoka Tanzania Zanzibar Skauta Makame Ali alisema, ''kulikuwa na vitu ambapo tulikuwa kama kwenye giza kwa sasa tumefunuliwa na kujua mengi, nami nitaenda kuwaelekeza wenzangu pindi nitakaporudi''.

Makamishna wakiwa katika kazi za vikundi katika Semina Elekezi

Skauti walipata fursa ya kufundishwa mchezo wa CHESS



Tembelea: twitter @DarScout 

facebook Dar Es Salaam Scout

Jisajiri kwa habari mbali mbali za Skauti (Scout Breaking News)
na Scout Chat 0655-095559

TANZIA

ALIYEKUWA MWEKA HAZINA WA SKAUTI MKOA WA DAR ES SALAAM AFARIKI DUNIA.

Akiongea na Dar Scout Habari kwa njia ya simu ya kiganjani Kamishna wa Mkoa wa Dar Es Salaam, Abubakar Mtitu alisema, ''Skauti tumepatwa na msiba, aliyekuwa Mweka Hazina wa Skauti Mkoa wa Dar amefariki dunia usiku wa tarehe 18.02.2015''

Kamishna Mtitu aliendelea kusema uku sauti yake ikisikika kuwa na majonzi, ''Hivi karibuni marehemu alitakiwa kupelekwa nchini India kwa ajili ya matibabu, lakini sasa hatuaye tena''.

Hata hivyo Dar Scout Habari ilishindwa kupata jina la marehemu na alikuwa anasumbuliwa na ugonjwa gani, kwani mawasiliano yalikuwa mabaya yalikatika na mpaka tunapoenda mtamboni hatukuweza kufanikiwa kumpata tena kwa njia ya simu kamishna wa mkoa na viongozi wa mkoa huo kwa kupata habari zaidi.

Mwili wa marehemu unatarajiwa kusafirishwa tarehe 20.02.2015 kuelekea Kagera kwa mazishi, na msiba upo nyumbani kwa marehemu Kiwarani, jijini Dar Es Salaam. Hakika mbele ya haki ametutangulia, Mwenyezi Mungu aiweke roho ya marehemu mahali pema, Amina.

SHEREHE ZA KUMBUKUMBU YA MWANZILISHI WA SKAUTI 2015

• MAANDALIZI YAKAMILIKA KWA ASILIMIA 90
• JK KUWA MGENI RASMI

 

Chama cha Skauti Tanzania kupitia Kamishina Mtendaji Bi. Eline Kitaly katika taarifa yake kwa njia ya barua pepe kwa Kamishina wa Skauti wa mkoa wa Dar Es Salaam na Kamishina wa Wilaya pamoja na wasaidizi wao (nakala ya barua pepe hiyo DarScout Habari inayo) imesema kuwa maandalizi yamekamilika kwa asilimia kubwa na kuwataka kuhamasisha Skauti wao kuhudhuria kwa wingi pamoja na kulipia ada ya uanachama na kukamilisha taratibu zote za "Smart Card".

 



Maandalizi ya Kumbukumbu ya Mwanzilishi wa Skauti Duniani kwa mwaka 2015 yameandaliwa na Makao Makuu kwa kushirikiana na Skauti Mkoa wa Dar es Salaam, yatakuwa ya aina tofauti na ya kipekee zaidi. Wakizungumza na chombo hiki cha habari cha Dar Scout Habari kwa nyakati tofauti, Kamishna wa Skauti Mkoa wa Dar Es Salaam, Skauta Abubakari Mtitu alisema, "Tumekwisha kamilisha jukumu letu na matayarisho yanaenda vizuri zaidi"

 

Abubakari Mtitu
Kamishna wa Skauti Mkoa wa Dar Es Salaam



Naye Kamishna Mkuu Msaidizi wa Mambo ya Nje, Ushirikiano wa Kimataifa, Habari na JotaJoti, Skauta Fredrick Nguma alibainisha kwa kusema, "Mwaka huu katika maazimisho ya kumbukumbu za mwanzilishi wa Skauti duniani, mgeni rasmi atakuwa Mlezi wa chama chetu ambaye pia ni Rais wa Jamhuri ya Muungano wa Tanzania ambaye ni Prof. Jakaya Mrisho kikwete, na maazimisho hayo yatafanyika katika viwanja vya mnazi mmoja jijini Dar Es Salaam"





Fredrick Peter Nguma
Kamishna Mkuu Msaidizi wa Mambo ya Nje, Ushirikiano wa kimataifa, Habari na JotaJoti
 

"Katika kuelekea kuazimisha kumbukumbu hiyo, Wito unatolewa kufanya kazi za huduma kwa jamii kwa kujitolea kama ilivyo ada na wajibu wa Skauti" ulisema mtandao USIO RASMI wa WhatsApp wa "Scout Chat - SC". Mtandao huo ulisisitiza kuwa Skauti ni watu wenye nidhamu, kujali na kufuata misingi ya utu, kujitoa kwa jamii katika kutekeleza kanuni na ahadi za Skauti.

Pia majadiliano katika mtandao ambao unazidi kuwa maarufu katika chama na February 02, 2015 umetimiza mwaka mmoja toka uanzishwe, ulisisitiza kuwa mambo wanayoyajadili viongozi katika kikao cha maandalizi ni muhimu sana katika kuendeleza Skauti na wajumbe wa "Scout Chat" wamekubaliana kutekeleza maazimio ya kamati hiyo ya maandalizi.

 



 

 

 Jiunge na Dar Scout Habari:  Scout Chat (SC) WhatsApp +255-655-095559

WOODBADGE COURSE FORM 2014

SHEREHE ZA KUMBUKUMBU YA KUZALIWA BADEN-POWELL ZAFANA

MAKAMISHNA WA SKAUTI MIKOA NA NAIBU WAO WAAPISHWA

 

Sherehe za kumbukumbu ya kuzaliwa kwa mwasisi wa Skauti Duniani Marehemu Baden-Powell zimefanyika katika nchi mbalimbali za Dunia.

Katika Jiji la Dar Es Salaam Sherehe hizo zilifanyika katika Kiwanja cha Kimataifa cha Biashara cha Mwalim Julius Kambarage Nyerere (Saba-Saba) barabara ya kilwa.

Shughuli hiyo iliyoandaliwa na Skauti Mkoa wa Dar Es Salaam kwa kamati iliyoongozwa na Kamishna wa Skauti wa Mkoa huo Ndugu Abubakar Mtitu.

Mgeni rasmi Bi. Consolata Mgimba (aliyevaa suti nyeusi) Katibu Mkuu wa Wizara ya Elimu na Ufundi, kwa niaba ya Rais wa Chama ambaye ni Waziri wa Elimu na Mafunzo Mheshimiwa Shukuru Kawambwa tayari akisubiria maandamano ya Skauti, kulia ni Kamishna Mkuu wa Skauti Mheshimiwa Abdulkarim Shah, akifuatiwa na Makamo Mwenyekiti wa Kamati Tendaji ya Taifa Mzee Mwaking'inda (aliyevaa suti) na kushoto mwa picha ni Naibu Kamishna Mkuu ndugu Rashidi Mchatta. Tarehe 22 Februari 2014 kaika kiwanja cha kimataifa cha biashara cha Mwl. Nyerere Dar Es Salaam.

Katika sherehe hiyo, Kamishna Mkuu wa Chama cha Skauti Tanzania (TSA) ndugu Abdulkarim Ismail Shah aliwaapisha Kamishna wa Mikoa na Manaibu wake.
Pia katika sherehe hiyo chama cha Skauti Tanzania kilizindua Mpango Mkakati wa Chama hicho.

Mgeni wa rasmi katika Sherehe hiyo alikuwa Katibu Mkuu wa Wizara ya Elimu na Ufundi Stadi Bi. Consolata Mgimba kwa niaba ya Rais wa Chama ambaye ni Waziri wa Elimu na Mafunzo Mheshimiwa Shukuru Kawambwa alifika katika eneo la sherehe mnamo saa nne asubuhi tayari kwa kupokea maanamano na kuaza kwa sherehe hiyo.

Mgeni rasmi Bi. Consolata Mgimba Katibu Mkuu wa Wizara ya Elimu na Ufundi akivishwa Skafu na Skauti tayari kupokea maandamano ya Skauti, tarehe 22 Februari 2014

Kamishna Mkuu wa Skauti Mheshimiwa Abdulkarim Shah, akizungumza baada ya salamu zake kwa siku ya kumbukumbu ya kuzaliwa kwa Baden-Powell.
Tarehe 22 Februari 2014 kaika kiwanja cha maonyesho ya kimataifa ya biashara cha  Mwl. Nyerere Dar Es Salaam.

Mgeni rasmi Bi. Consolata Mgimba Katibu Mkuu wa Wizara ya Elimu na Ufundi akitoa salamu kwa niaba ya Rais wa Chama ambaye ni Waziri wa Elimu na Mafunzo Mheshimiwa Shukuru Kawambwa

RATIBA YA SHEREHE YA SIKU YA MWANZILISHI WA SKAUTI DUNIANI LORD BADEN POWEL - 22 FEBRUARI 2014

MUDA	TUKIO	MHUSIKA
Saa 3:00 Asubuhi	Skauti kuwasili Uwanja wa Taifa	Skauti wote
Saa 3:30 Asubuhi	Maandamano kuelekea viwanja vya Mwl. Nyerere, Saba Saba	Skauti na Viongozi wao
Saa 3:30 Asubuhi	Ø  Viongozi wa Chama kuwasili Ukumbini. Ø  Skauti Mkuu na Mwenyekiti Kamati Tendaji(T)  kuwasili ukumbini. Ø  Wageni waalikwa kuwasili ukumbini.	Kamati ya Mapokezi/ MC
Saa 4:00 Asubuhi	Mgeni Rasmi kuwasili Uwanjani na kuvishwa Skafu. Ø  Mgeni Rasmi kupokea maandamano.	Kamishna Mkuu, Naibu Kamishna Mkuu, Kamishna wa Mkoa(DSM) Kamishna Mtendaji,
Saa 4:05 Asubuhi	Mgeni Rasmi kuingia Ukumbini. Ø  Wimbo maalum (Twamkumbuka Mzee wetu Baden Powell) Ø  Utambulisho wa wageni maalum	Skauti wote Kamishna Mkuu
Saa 4:15 Asubuhi	Nasaha za Skauti Mkuu	Skauti Mkuu
Saa 4:30 Asubuhi	Burudani	MC
Saa 4:40 Asubuhi	Uzinduzi wa Mpango Mkakati (Strategic Plan 2014 – 2017)	Mgeni Rasmi, Kamishna Mkuu Msaidizi Miradi.
Saa 4:50 Asubuhi	Kuapishwa kwa Makamishna wa Mikoa Ø  Burudani.	Kamishna Mkuu Skauti.
Saa 5:20 Asubuhi	Kuwekwa saini kwa Mkataba wa Hifadhi ya Msitu wa Vikindu	Kamishna Mkuu Mkurugenzi wa Hifadhi ya Misitu
Saa 5:30 Asubuhi	Burudani (Maonesho ya Sanaa ya mapigano)	Kikosi cha Rova
Saa 5:40 Asubuhi	Tukio maalum	MC
Saa 5:50 Asubuhi	Nasaha za Mgeni Rasmi	Mgeni Rasmi
Saa 6:00 Mchana	Kurudia Ahadi	Wote/ Kamishna Mkoa
Saa 6:05 Mchana	Neno la shukrani	Mwenyekiti Kamati Tendaji
Saa 6:15 Mchana	Chakula	Kamati ya Chakula
	MWISHO