RATIBA YA SHEREHE YA SIKU YA MWANZILISHI WA SKAUTI DUNIANI LORD BADEN POWEL - 22 FEBRUARI 2014

MUDA	TUKIO	MHUSIKA
Saa 3:00 Asubuhi	Skauti kuwasili Uwanja wa Taifa	Skauti wote
Saa 3:30 Asubuhi	Maandamano kuelekea viwanja vya Mwl. Nyerere, Saba Saba	Skauti na Viongozi wao
Saa 3:30 Asubuhi	Ø  Viongozi wa Chama kuwasili Ukumbini. Ø  Skauti Mkuu na Mwenyekiti Kamati Tendaji(T)  kuwasili ukumbini. Ø  Wageni waalikwa kuwasili ukumbini.	Kamati ya Mapokezi/ MC
Saa 4:00 Asubuhi	Mgeni Rasmi kuwasili Uwanjani na kuvishwa Skafu. Ø  Mgeni Rasmi kupokea maandamano.	Kamishna Mkuu, Naibu Kamishna Mkuu, Kamishna wa Mkoa(DSM) Kamishna Mtendaji,
Saa 4:05 Asubuhi	Mgeni Rasmi kuingia Ukumbini. Ø  Wimbo maalum (Twamkumbuka Mzee wetu Baden Powell) Ø  Utambulisho wa wageni maalum	Skauti wote Kamishna Mkuu
Saa 4:15 Asubuhi	Nasaha za Skauti Mkuu	Skauti Mkuu
Saa 4:30 Asubuhi	Burudani	MC
Saa 4:40 Asubuhi	Uzinduzi wa Mpango Mkakati (Strategic Plan 2014 – 2017)	Mgeni Rasmi, Kamishna Mkuu Msaidizi Miradi.
Saa 4:50 Asubuhi	Kuapishwa kwa Makamishna wa Mikoa Ø  Burudani.	Kamishna Mkuu Skauti.
Saa 5:20 Asubuhi	Kuwekwa saini kwa Mkataba wa Hifadhi ya Msitu wa Vikindu	Kamishna Mkuu Mkurugenzi wa Hifadhi ya Misitu
Saa 5:30 Asubuhi	Burudani (Maonesho ya Sanaa ya mapigano)	Kikosi cha Rova
Saa 5:40 Asubuhi	Tukio maalum	MC
Saa 5:50 Asubuhi	Nasaha za Mgeni Rasmi	Mgeni Rasmi
Saa 6:00 Mchana	Kurudia Ahadi	Wote/ Kamishna Mkoa
Saa 6:05 Mchana	Neno la shukrani	Mwenyekiti Kamati Tendaji
Saa 6:15 Mchana	Chakula	Kamati ya Chakula
	MWISHO

KAMATI YA UENDESHAJI YA MKOA YATEMA CHECHE

 Kuandaa Siku ya kumbukumbu ya Mwanzilishi wa Skauti Duniani

Mwenyekiti wa kikao cha Kamati ya Uendeshaji Mkoa wa Dar Es Salaam (aliyekaa mbele) Kamishna Abubakar Mtitu akiongoza ajenda katika kikao cha kamati hiyo tarehe 18 Januari katika Mgahawa Upanga Dar Es Salaam.

Baadhi ya wajumbe wa Kamati ya Uendeshaji Mkoa wa Dar Es Salaam wakijadili ajenda katika kikao tarehe 18 Januari katika Mgahawa Upanga Dar Es Salaam.
Wa kwanza kushoto ni Mwanyato James, Titto Jackson, Bi Ramadevi na Naibu Kamishna Mkoa wa Dar Es Salaam Bi Grace Kado.

Chama cha Skauti Mkoa wa Dar Es Salaam kupitia Kikao chake cha Kamati ya uendeshaji kimetoa wito kwa Skauti Mkoa wa Dar es Salaam kujiandaa na siku ya kumbukumbu ya mwanzilishi wa Skauti Duniani (Founder's Day) inayotarajiwa kufanyika kimkoa kuanzia tarehe 21 Februari, 2014 mpaka 23 Februari, 2014.
 

Kamishna wa Skauti Mkoa wa Dar Es Salaam Ndugu Abubakar Mtitu akizungumza na waandishi wa habari (hawapo pichani) mara baada ya kikao cha kamati Uendeshaji cha Mkoa wa Dar Es Salaam, katika kiwanja cha Makao Makuu ya Skauti Upanga tarehe 18 Januari, 2014

"Wito unatolewa kufanya kazi za huduma kwa jamii kwa kujitolea kama ilivyo ada na wajibu wa Skauti" alisema Mwenyekiti wa Kamati hiyo ambaye pia ni Kamishna wa Skauti Mkoa wa Dar Es Salaam Kamishna Abubakar Mtitu. Ndugu Mtitu alisisitiza kuwa Skauti ni watu wenye nidhamu, kujali na kufuata misingi ya utu, kujitoa kwa jamii katika kutekeleza kanuni na ahadi za Skauti.

Pia Kamishna Mtitu alisema mambo waliojadiliana katika kikao hicho ni muhimu sana katika kuendeleza Skauti na wanakamati wamekubaliana kutekeleza maazimio ya kikao hicho.

Mratibu Mafunzo wa Skauti 
Mkoa wa Dar Es Salaam
Ndugu Mwanyato James

Mwanyato James ambaye ni Mratibu wa Mafunzo Skauti Mkoa wa Dar Es Salaam alisema katika mahojiano na waandishi wa habari kuwa "Natumai tutayatimiza yote tuliyoyajadili, pia nafuraha sana kuona kikao hiki kimehudhuliwa na watendaji wakuu wote wa Skauti Wilaya za Dar Es Salaam, naomba tuendelee hivi kwa kasi hii kwa maendeleo ya Skauti na jamii yetu"

Kamati imekubaliana kuandaa siku ya kumbukumbu ya kuzaliwa kwa mwanzilishi wa Skauti Duniani (Founder's Day), Marehemu Paden Pawell aliyezaliwa tarehe 12 Februari 1857 na kufariki tarehe 8 Januari, 1941.

Mwenyekiti Mtitu alitumia fursa katika kikao hicho kuwatambulisha baadhi ya wajumbe wapya ambao ni James Mwanyato (Mafunzo), Mama Ramadevi Sankran Lyer (Kabu), Sameer Somji (Kazi Maalum), Titto Jackson pamoja na Leonard Gerlad Kiloka (Uakilishi wa Vijana) na wengine ni S. Salim (Mambo ya Nje na uhusiano), Reuben Mlay (Vijana), Anthony Meda (Makambi na Mawasiliano) na Bi Annick Verstraelen (Miradi)

MASHINDANO YA SKAUTI AFRIKA MASHARIKI NA KATI

• Timu ya Tanzania yakabidhiwa bendera kuipeperusha Burundi

Kamishina Mkuu wa Chama cha Skauti Tanzania Mhe. Abdulkarim Shah akiwapa nasaha Timu ya Skauti ya Taifa na baadhi ya Skauti (awapo pichani) kwenda kushiriki mashindano ya Skauti ya Afrika Mashariki na Kati yatakayofanyika nchini Burundi. Kulia ni Naibu Kamishna Mkuu Ndugu Kassim Mchatta na kushoto ni Kamishna Mkuu Msaidizi kitengo cha Jinsia na Mipango ya Vijana (Youth Programme and Gender). Tarehe 26.12.2013 katika kiwanja cha Skauti Makao Makuu Upanga.

 

 

 

 

 

 

 

Timu ya Taifa ya Skauti Tanzania imekabidhiwa Bendera ya Taifa na ya Chama cha Skauti Tanzania pamoja na vifaa vyote baada ya kupata mafunzo na mbinu zaidi za Skauti kwenda kushiriki katika mashindano ya Skauti ya Afrika Mashariki na Kati pamoja na kuhudhuria kongamano la Vijana la Skauti nchini Burundi. Timu hiyo inatarajia kuondoka nchini kuelekea Burundi tarehe 29 Desemba 2013 hadi tarehe 04 Januari 2014.

Akikabidhi bendera hizo, Kamishna Mkuu wa Skauti Tanzania Mhe. Shah aliwatakia wawakirishi hao kila la heri na kuwataka Skauti na Watanzania wote kuwaombea mafanikio mema na hatimaye kurudi nyumbani na ushindi. Mheshimiwa Shah alisema, "Ushindi mtakao upata ni wa Tanzania mzima na siyo wa mtu mmoja mmoja, hivyo pamoja na mafunzo na mbinu za Skauti mlizopata, tuna waombea kila lililo la kheri kwa Mwenyezi Mungu mfike salama na mpeperushe vyema bendera ya nchi yetu" aliongeza kwa kusema, "Sisi Skauti na Watanzania wote tupo pamoja nanyi katika safari na katika mashindano hayo, mtuwakirishe vyema"

 

Kamishna Mkuu wa Skauti Tanzania Mheshimiwa Shah akikabidhi bendera ya Skauti Tanzania kwa timu ya Skauti itakayoshiriki mashindano ya Skauti ya Afrika Mashariki na Kati nchini Burundi.

Kamishna Mkuu wa Skauti Tanzania Mheshimiwa Shah akikabidhi bendera ya  Tanzania kwa timu ya Skauti itakayoshiriki mashindano ya Skauti ya Afrika Mashariki na Kati nchini Burundi.

Kamishna Mkuu wa Skauti Tanzania Mheshimiwa Shah (kulia) akiteta jambo na Kaimu Kamishna Mtendaji Ndugu Gerald Mkude (Brigedia Jenerali Mstaafu) katika hafla ya kuwaaga timu ya Skauti ya Taifa katika kiwanja cha Makao Makuu ya Skauti Upanga tarehe 26/12/2013.

Baadhi ya Vijana wa kike wa timu ya Skauti ya Taifa inayokwenda nchini Burundi kwa Mashindano ya Skauti Afrika Mashariki na Kati

Baadhi ya Vijana wa kiume wa timu ya Skauti ya Taifa inayokwenda nchini Burundi kwa Mashindano ya Skauti Afrika Mashariki na Kati

Baadhi ya Vijana wa kiume wa timu ya Skauti ya Taifa inayokwenda nchini Burundi kwa Mashindano ya Skauti Afrika Mashariki na Kati na Kongamano la Vijana la Skauti wakicheza moja ya ngoma ya kimila Tanzania.

Kamishna Mkuu Mheshimiwa Shah (mwenye miwani) katika picha ya pamoja na baadhi ya Skauti na timu ya Skauti ya Taifa inayokwenda nchini Burundi kwa Mashindano ya Skauti Afrika Mashariki na Kati (mtsari mbele wa pili kulia mwenye furana nyeusi ni Naibu Kamishna Mkuu ndugu Kassim Mchatta)

Baadhi ya vijana wa timu ya Skauti ya Taifa wakionyesha jambo katika viwanja vya Makao Makuu ya Skauti Upanga tarehe 26.12.2013

Baadhi ya vijana wa timu ya Skauti ya Taifa wakiteta jambo katika viwanja vya Makao Makuu ya Skauti Upanga tarehe 26.12.2013

Timu ya Skauti ya Taifa itakayoshiriki mashindano ya Skauti nchini Burundi

 

KAMSHINA MKUU ATANGAZA UTEUZI WA MAKAMISHNA WA MIKOA

• Ndani ya mwezi mmoja wawe wameandaa mapendekezo ya makamishna wa wilaya.

Taarifa kwa vyombo vya habari leo mchana kufuatia kwa Kamishna Mkuu wa Skauti Tanzania MheshimiwaAbdulkarim Shah (Mb) kufanya uteuzi wamakamishna wa mikoa wapya.

Mheshimiwa Abdurkarim Shah (Mb) Kamishna Mkuu wa Skauti Tanzania akitangaza majina ya Makamishna wa Mikoa wapya mbele ya waandishi wa habari (hawapo pichani) tarehe 22.11.2013 katika Ofisi za Chama cha Skauti Tanzania, Upanga Dar Es Salaam.

Kufuatia Mkutano Mkuu Maalum wa uchaguzi uliofanyika tarehe 05 Januari 2013, Baraza Kuu la Chama cha Skauti Tanzania lilianzisha hatua za kuwapata viongozi wa chama Kitaifa. Kuanzia wakati huo hadi sasa viongozi mbalimbali wamechaguliwa, wameteuliwa na kuapishwa. Viongozi hao ni pamoja na Skauti Mkuu Mheshimiwa Mwantum Bakari Mahiza (Mkuu wa Mkoa wa Pwani), Mwenyekiti, Makamo Mwenyekiti na Wajumbe wa Kamati ya Utendaji ya Chama Kitaifa.

Katika mtiririko huo wa safu mpya ya viongozi, Kamishna Mkuu Mheshimiwa Abdulkarim E. H. Sahah (Mb) naye alichaguliwa na kuapishwa. Naye kwa mamlaka aliyonayo katika Katiba ya Chama cha Skauti Tanzania aliwateuwa na kuwaapisha Naibu Kamishna Mkuu na Makamishna Wakuu Wasaidizi kumi na wawili (12)

• UONGOZI MIKOANI NA WILAYANI

 Lengo kuu la chama cha Skauti Tanzania ni kuwatayarisha vijana kwa kuwajenga katika maadili mema ili waweze kuwa waaminifu, wazalendo, rafiki wa wote, watiifu, wachangamfu, waangalifu na kuwa raia safi katika mawazo, maneno na vitendo.

Ili kufikia dhamira hiyo, chama Makao Makuu hakina budi kuueneza na kuusimamia U-Skauti nchini kote. Hili linatekelezwa na kwa Kamishna Mkuu na wawakilishi wake Mikoani na Wilayani.

Kwa mujibu wa Katiba ya Chama cha Skauti Tanzania ya mwaka 1997 Kifungu 6.11 (a) na (b) hawa watamwakilisha Kamishna Mkuu na kuyatekeleza majukumu yao ambayo kimsingi sawa na ya Kamishna Mkuu bali katika himaya zao.  

Kwa mujibu wa Katiba ya Chama cha Skauti Tanzania kifungu 6.5 (e)(vi), Kamishna Mkuu amewateuwa viongozi wa Skauti wafuatao kuwa Makamishna wa Skauti wa Mikoa na wasaidizi wao:-

MKOA: Arusha

Kamishna: Shakirhussein Badruddin

Naibu Kamishna wake: Wilfred James

MKOA: Dar Es Salaam

Kamishna: Abubakari Mtitu

Naibu Kamishna wake: Grace Kado

 

Skauta Abubakar Mtitu alejea tena Kamishna wa Mkoa wa Dar Es Salaam

MKOA:Dodoma

Kamishna: Daktari Swai

Naibu Kamishna wake: Selistine Raphael

MKOA:Geita

Kamishna: Kiracha Nyamsongolo

Naibu Kamishna wake: Marison .S. Gunje

MKOA: Iringa

Kamishna: John Sichone

Naibu Kamishna wake: Lyason Kajembura

MKOA:Kagera

Kamishna: Fr. Process Mutungi

Naibu Kamishna wake: Beda Kyaishozi

MKOA:Katavi

Kamishna: Mrisho Thabiti Kinanda

Naibu Kamishna wake: Selestine Yoachim China

MKOA: Kigoma

Kamishna: Doecles .H. Bigilwa

Naibu Kamishna wake: Eliudi Marwa

MKOA:Kilimanjaro

Kamishna: Hashim Nyari

Naibu Kamishna wake: Habibu .D. Mvungi

MKOA: Lindi

Kamishna: Aloyce Maira

Naibu Kamishna wake: Bakari Kayombo

MKOA: Mara

Kamishna: Yohana Bonyo

Naibu Kamishna wake: Fred Keya

MKOA: Manyara

Kamishna: Basilisa Martin

Naibu Kamishna wake: Khalifa Salehe Mfanya

MKOA: Morogoro

Kamishna: Francis .G. Francis

Naibu Kamishna wake: Mary Mpasa

MKOA: Mtwara

Kamishna: Erasto Nakati

Naibu Kamishna wake: Hassan .M. Mmadi

MKOA: Mbeya

Kamishna: Sadock Ntole

Naibu Kamishna wake: Boniface Dionis

MKOA: Mwanza

Kamishna: Elibarik Mmari

Naibu Kamishna wake: Wande Mwankyara

MKOA:Njombe

Kamishna: Tusiwene Mahenge

Naibu Kamishna wake: Anita Ngole

MKOA: Pwani

Kamishna: Musiba Bebusiba

Naibu Kamishna wake: Esto Joseph Kalale

MKOA: Rukwa

Kamishna: Mohamed Lugoya

Naibu Kamishna wake: Adengula Mwacha

MKOA: Ruvuma

Kamishna: S. .K. Ndunguru

Naibu Kamishna wake: Hamza Basil Bora

MKOA: Simiyu

Kamishna: Kulwa Mtebe

Naibu Kamishna wake: Jumanne Mangoli

MKOA: Shinyanga

Kamishna: Mussa Chama

Naibu Kamishna wake: Peter mgalula

MKOA: Tabora

Kamishna: Erick Nkwera

Naibu Kamishna wake: Kashinde Masamalo

MKOA:Tanga

Kamishna: Lt. Col (Mstaafu) John Mhina

Naibu Kamishna wake: Nassoro Mbajo

MKOA: Singida

Kamishna: Emmanuel Machemba

Naibu Kamishna wake: Juma Sabigoro

 

• UTENDAJI

Kufuatia uteuzi wa Makamishna hao, taratibu za kuwaapisha na kuwakabidhi waranti na Katiba zitafuata hivi punde. Barua za uteuzi wao zinafuata. Wakati yote haya yanasubiriwa kwa taarifa hii ni ruksa kwao kuanza kazi mara moja. Alisema Mheshimiwa Shah.

• MAKAMISHNA WA SKAUTI TANZANIA VISIWANI NA WILAYA 

 Kamishna Mkuu mwenye mamlaka ya kuwateua viongozi hawa yupo katika mchakato wa kushauriana na wasaidizi wake. Mara baada ya zoezi hili kukamilika, tangazo rasmi litatolewa.

Mheshimiwa Shah aliendelea kusema, " Kauli mbiu ya Mkutano Mkuu Maalum wa uchaguzi ilikuwa 'UONGOZI IMARA, CHAMA IMARA' alifafanua kuwa, Chama cha Skauti hakina budi kuwa na uongozi imara unaoweza kusimamia maadili ya vijana wetu hapa nchini kuanzia Makao Makuu hadi Vijijini. Ni matarajio ya wadau wote  wa Chama cha Skauti Tanzania kwamba viongozi wote waliochaguliwa, walioteuliwa na watakaoteuliwa wataongoza kwa kuzingatia Katiba na Maadili ya Chama. Aidha wito unatolewa kwa wanachama na marafiki wa Skauti kutoa ushirikiano kwa uongozi uliopo madarakani.

Kamishna Mkuu alimaliza kwa kuwashukuru wanahabari kwa ushirikiano wao.

MKUTANO WA 7 WA MUUNGANO WA WABUNGE SKAUTI DUNIANI

Mwenyekiti wa Umoja wa Skauti Wabunge la Jamhuri ya Muungano wa Tanzania Mheshimiwa Abdulkarim Ismail Shah amechaguliwa kuwa Mweka Hazina Mkuu wa Umoja wa Wabunge Skauti wa Dunia (WPSU)

walishiriki katika Mkutano Mkuu wa Sita wa Umoja wa Skauti Wabunge Duniani ambao unajumla ya nchi wanachama zaidi ya 50. Mkutano huo ulifanyika sambamba na uchaguzi wa viongozi wapya, uliofanyika mjini Tokyo Japan kuanzia Novemba Sita hadi Novemba Nane mwaka huu ambapo Tanzania iliwakilishwa na Mheshimiwa Shah na wabunge wengine watano pamoja na Katibu wa Bunge Umoja wa Wabunge Skauti Tanzania ndugu James John Warburg.

Wabunge wengine waliokuwemo kwenye ujumbe wa Tanzania kwenye Mkutano huo ni Mhe. Gosbert Blandes, Mhe Livingstone Lusinde, Mhe. kuruthum Mchuchuli na Mhe. Lucy Mayenga ambaye ni Makamo Mwenyekiti wa Umoja wa Skauti Wabunge wa Tanzania.

Katika uchaguzi huo ndugu Ryu Shionoya wa Japan amechaguliwa kuwa Rais mpya wa Umoja huo, na makamo wa kwanza wa Rais ni Bi. Ewa thalen Finne kutoka Sweden na makamo wa Rais wa pili ni ndugu Sutham Phanthusak kutoka Thailand.

Akizungumza na wandishi wa habari katikauwanja wa kimataifa wa ndege wa Mwalim Julius Kambarange Nyerere mara baada ya kuwasili kutoka japan, Mheshimiwa Shah amewashukuru wabunge wenzake kwa kumpigiania hadi kushinda kwenye nyadhifa hizo kubwa duniani na kwamba ushindi alioupata ni zawadi kwa Watanzania wote.

Amesema kuchaguliwa kwake kwenye nafasi hiyo ni heshima kwa Tanzania na kwamba ni ushindi kwa Tanzania na kuonyesha kuwa Tanzania inaweza kutoa viongozi katika kuongoza mashirika au taasisi mbalimbali Ulimwenguni, pia mbunge Mvumi Mtera  Mhe. Lusinde alisisitiza kuwa ushindi huo pia umechangiwa na amani iliyopo Tanzania na kwa ushindi huo Tanzania imetangazika katika sekta ya Utalii na kujulikana kijiografia. Aliendelea kusema, "Uchaguzi huo uliohusisha mataifa zaidi ya 50 ulitawaliwa na ushindani mkali, lakini mgombea wa Tanzania alijieleza kwa ufasaha zaidi na vizuri kuwashawishi wajumnbe kumpigia kura na kushinda nafasi hizo.

Mkutano huo mkuu pia ulijadili na kupitisha mabadiliko ya Katiba ambapo muda wa kufanya mkiutano huo umeongezeka kutoka miaka mitatu hadi miaka minne.

Aidha kwamba kuwepo kwenye safu mpya ya uongozi wa Umoja wa Wabunge Skauti wa Dunia utamwezesha kuendeleza vijana kwa kuwapa elimu, ujuzi ili waweze kuajiliriwa au kujiajiri kwa ajili ya maendeleo yao wenyewe na kuondokana na umasikini. Alisema Mhe Shah. 

Mbunge wa Karangwe Mhe. Gosbert Blandes amesema kwamba mkutano huo umemalizika kwa mafanikio makubwa ikiwa ni pamoja na kujifunza namna vyama vya Skauti vinavyoendeshwa duniani, ameendelea kusema kuwa 'nchi nyingi duniani wanachukulia Skauti kama chanzo cha elimu na ajira kwa vijana hivyo wao kama wabunge wataishawishi Serikali kutenga fedha za kutosha kwa ajili ya kusaidia uendeshaji wa shughuli za Skauti nchini.

Wakati huo huo Mkutano wa tisa wa wabunge Skauti duniani unatarajia kufanyika nchini Tanzania katika kipindi cha miaka minne ijayo.

Kikubwa yaliyozungumziwa katika mkutano huo ni:

• Umuhimu wa kuweka mazingira salama kwa watoto kielimu.
• Umuhimu wa kuwaandaa na kuwapa fursa vijana kuwa viongozi wa baadaye.
• Majukumu mbalimbali ambayo Wabunge wanaweza kuyatekeleza kwa ajili ya kuwasaidia vijana na Chama cha Skauti.